नेपाली हास्यव्यङ्ग्य अनलाइन पत्रिका

मेरो नामको पुरस्कार कसले पायो कविजी ?
राति एक बजे कवि इच्छुकले फोनमा सोधे ।
अचम्म !
कवि इच्छुक अनि पुरस्कारको कुरा
त्यो पनि रातको एक बजे
सुन्दैमा हैरान भएँ म ।
के भन्ने ?
केहीबेर सोचेँ र भनिदिएँ
उही के क्रान्तिकारी राजारानीको शोकाञ्जली लेख्ने कवि !
शोकाञ्जली लेख्ने कवि !
उनी अचम्म परे र स्मित हाँसो हाँसे ।
अनि पार्टीमा महाकेन्द्र बनेछ
तपाईं केन्द्रमा पर्नुभयो कि !
धत् ! के भन्छन् यी ?
पोलिटब्युरोको यत्रो अपमान !
मुखबाट फुत्किनै लागेको थियो
हेर्दा हेर्दै उनी भाइवरमा देखा परे र उसैगरी मुस्कुराए
जसरी धेरै वर्ष पहिले मुस्कुराउँथे ।
तपाईं नि
मैले लाजले नाक छोप्दै सोधेँ ।
म लजाएको देख्दा उनी फेरि मुस्कुराए ।
के पर्नु भएन ?
ओहो ! कस्तो राम्रो प्रयोग ?
गोर्की भन्दै थिए
अब नेपालतिरै झर्नु पर्ला माक्र्सवादको नयाँ प्रयोग सिक्न ।
आचे ! के भन्छन् यी
म अचम्म परेको देखेर इच्छुकले भने
त्यही जो
हामी माओवादी हौँ नि !
त्यसैले ।

काठमाडौं