राजु स्याङ्तानसपनाका महल !!
गणतन्त्र तिमी आयौ छाना फेरिएन
उहि कलम उहि मसी पाना फेरिएन ।
उस्तैछन् ब्वाँसाहरू उस्तैछन् सिकारी पनि
देश लुछि भोज गर्छन् दाना फेरिएन ।
बाहिर बाहिर हल्ला खल्ला भित्र भित्र मिलेमतो
ताण्डव नृत्य उहि पुरानो गाना फेरिएन ।
कतै चुल्हो बल्या छैन कतै पाटी चल्छ यहाँ
घटि बढि गरि बाँड्ने माना फेरिएन ।
चुपचाप छ सबै तिर कस्लाई के को फुर्सद यहाँ
आँखा भए नि अन्धो बन्ने काना फेरिएन ।
सबै लुटे लुट्नु जति लुट्न बाँकी के नै छ र
अत्याचारले च्यातिएको नाना फेरिएन ।
महोत्तरी खयरमारा
Subscribe
Login
0 Comments
Oldest
