नेपाली हास्यव्यङ्ग्य अनलाइन पत्रिका

नदीको भँगालोबाट
छुट्टिएका हामी
एउटै हाँगाका फूल
एक्लै एक्लै मुस्कुराएको पनि
धेरै भइसक्यो
आऊ आज
हिम नदीको तरङ्गसँगै
कसैले नदेख्ने गरी
सल्बलाउँदै
बिस्तारै खोलैखोला
बतासको तालसँगै आऊ
म किनार छोडेर घस्रँदा घस्रँदै सुस्तरी
तिमीसम्म आउनेछु
अनि त..ल खोली दोभानमा
हामी दुवैको भेट हुनेछ ।
त्यहाँ हुने छैन कुनै मान्छेको साम्राज्य
हुने छैन कतै पनि आगोको आतंक
केवल हुनेछ
पानीको सुन्दर आकाश
पानीकै गाउँ
पानीकै घर
वरपर सबै पानीकै परिवेश
अनि हामी ढुङ्गाको सिरानी हालेर
निदाउनेछौँ
पानीलाई अङ्कमाल गर्दै !

काठमाडौं