नेपाली हास्यव्यङ्ग्य अनलाइन पत्रिका

(गाईजात्रा– २०७३)

सिन्डीकेट जताततै छ बलवान्, थोत्रा सधैं चालु भो ।
स्पर्धा गर्न दिइन्न नूतन यहाँ, झुत्रा सबै ठालु भो ।।
बेकम्मा अति भो प्रशासन सबै, उल्टो चल्यो शासन ।
भ्रष्टै भ्रष्ट र दुष्ट अक्षम उनै, खोज्छन् हरे आसन ।।१।।

फ्याँके राष्ट्रिय भेष टाइसुट नै, प्यारो बनाई हिँडे ।
खाँदैनन् भगवानको कसम ता, संस्कार सारा गिँडे ।।
कैले भैंसी पुजेर आस्तिक बनी, पाखण्डले रिङ्दछन् ।
कैले नास्तिक हौं भनी सपथमा, द्यौता पदै झिक्दछन् ।।२।।

गोतामे छ यता, तिवारी छ उता, जे जे प¥यो बन्दछन् ।
चोट्टा औसरवाद ढुल्मुल यिनै, जे जे प¥यो भन्दछन् ।।
झुन्डै मात्र विशाल ठान्दछ सधैं, हे कूपका मण्डुक !
के गर्लान् र विकास शासन नयाँ, देख्छौँ सयौँ फन्टुस ।।३।।

धादिङ