नेपाली हास्यव्यङ्ग्य अनलाइन पत्रिका

१. पुरस्कार
पछाडि मुड्की ताक्छन्
अगाडि भजन गाउँछन्
चिन्तन–लेखन थन्क्याएर
चाकडीमा धाउँछन्
साहित्यमा यस्तैयस्तै हुन्छ
कापल फुलेका र लौरो टेकेकाले
युवा पुरस्कार पाउँछन् ।

२. जागिर
दस सिटको जागिरमा
दस हजारले भर्दो रहेछ
योग्यताले भन्दा पैसा र
सोर्सफोर्सले काम गर्दो रहेछ
पढाई सकेर जागिर खाउँ भनेको
यहाँ त अनुभवको प्रमाणपत्र पनि
जन्मनासाथ ल्याउनु पर्दो रहेछ ।

काठमाडौं