दुर्गाप्रसाद ग्वालटारेबजाउन सक्छ कैले
सर्पले नि भ्यागुतो मित्र बनाउन सक्छ कैले
चितुवाले मृगलाई मन पराउन सक्छ कैले ।
खहरेले पहरालाई सुम्सुम्याउला ‘साथी’ भन्दै
खुकुरीले अचानोलाई फकाउन सक्छ कैले ।
ब्याधा बस्छ झाडीभित्र जालो फिँजाई नाकाहुँदि
ध्वजा पताकाले बाटो सजाउन सक्छ कैले ।
नरसंहार गर्ने पापी किन्न सक्छ रामनामी
उसैले नै महाँपुराण लगाउन सक्छ कैले ।
‘जय दुर्गे’ भन्दै लेघ्रो तान्न सक्छ महिषासुर
अट्टहासको सट्टा शंख बजाउन सक्छ कैले ।
२०७३ भाद्र ४
काठमाडौ
