नयाँ बर्ष

नयाँ बर्ष

height= परार घर घरमा ग्यास ल्याइदिन्छु भन्यौ
पोहर जेष्ठ नागरिकलाई
पाँच हजार मासिक क्यास ल्याइदिन्छु भन्यौ {{read_more}}
तर पछि दुई हजार दिनलाई पनि ठसठसी कन्यौ
खाली हामीलाई ढाँट्याछ्यौ ढाँट्याछौ
हैन हो नयाँ बर्ष
यो बर्ष फेरि के गर्न आँट्याछौ ?

कहिले पानी जहाज ल्याइदिन्छु भन्यौ
कहिले रेल ल्याइदिन्छु भन्यौ
कहिले बिरोजगारीलाई सेल ल्याइदिन्छु भन्यौ
कहिले बङ्गलादेशबाट तेल ल्याइदिन्छौ भन्यौ
जनतालाई खाली सपना बाँट्याछौ बाट्याछौ
हैन हो नयाँ बर्ष
यो पाली फेरी के भन्न आँट्याछौ ?

कहिले अपराधी बलात्कारीलाई ठीक पारीदिन्छु भन्यौ
कहिले भ्रष्टाचारलाई शून्यमा झारिदिन्छु भन्यौ
कहिले धनीको पैसो गरीबलाई बाँडिदिन्छौँ भन्यौ
कहिले जमिनदारको जग्गा
गरीब किसानको नाममा सारिदिन्छु भन्यौ
खाली कुरा मात्र छाँट्याछौ छाँट्याछौ
हैन हो नयाँ बर्ष
यो साल फेरि के गर्न आँट्याछौ ?
दाङ