नेपाली हास्यव्यङ्ग्य अनलाइन पत्रिका

ठुलो मान्छे वहाँ नै हो जुम्लाहात गरे
मिल्ला जागीर,पाल्लास् पेट \’जनि\’ तिनले गरे
भन्छन् कोही बढा तिनको सेवा गर्नु पर्छ
तेरो आफ्नु के छ ? उनकै भर पर्नु पर्छ

टोकसो र दवाब बढ्छ गुलामीका लागी
ब्रह्म भन्छ बस्दिन म लिलामिका लागी
\’होइन भने\’, अर्को बोल्छ, \’उडिहाल विदेश\’
बस्ने ठाउँ नै होइन जावो जन्मिएको स्वदेश

ब्रह्म भन्छ किन्तु मौन बाहिर रहिकन
\’पेटौसधो\’ र कपास भन्दा ठुलो होइन धन
आत्मा भन्छ आत्माकै बिक्री राम्रो होइन
सुनकै भए पनि बाँध्ने सिक्री राम्रो होइन ।

काठमाडौं