पुरूषाेत्तम सिग्देलफेल हुँदाको मज्जा कति आउँछ
पढ्ने बेलाँ न त जाँगर, न त बत्ती आउँछ,
यसो किताब खोल्यो कि ‘हाई’ भएजत्ति आउँछ ।
सिरक तानी झप्प सुत्यो, क्या मजाको निद्रा,
धरोधर्म भोलि पढ्छु, यस्तै मति आउँछ ।
जब बज्छ घन्टी बिहान, पढ्न उठ्नलाई,
भरे पढ्छु, आजबाट बेलुका बत्ती आउँछ ।
एवम् रितले जाँच आउँछ, कनिकुथी गयो,
रिजल्ट हेर्दा राता आलु दुईचार पाथी आउँछ ।
घरमा गयो ठिक्क बाउको गाली खाने बेलाँ,
टिका लाई लड्डु बाँड्न पास’भा साथी आउँछ ।
पास भए नि सधैं कुमार के पो नापिस तैँले ?
फेल हुनेले छिट्टै स्वास्नी, छिट्टै पति पाउँछ ।
चुरोट सल्काई फुक्यो धुँवा, छोड्छु पढाइ भनी,
पासलाई के थाहा, फेल हुँदाको मज्जा कति आउँछ ।
काठमाडौं
Subscribe
Login
0 Comments
Oldest
