नेपाली हास्यव्यङ्ग्य अनलाइन पत्रिका

शहरमा अचेल गोरु, ब्याउन थाले छन्,
नेताजीले घरमा भोटे, कुकुर पाले छन् ।

कुकर्मको डरले होला, थकाई धेरै भयो,
कसैसँग विश्वास हुन्न, बाहिर पाले छन् ।

बालै छैन गरिब बस्ती, जितेर गएपछि,
भत्ता खान भनेर माओ, काङ्ग्रेस माले छन् ।

मिठा मिठा गुलिया नारा, दिएर लोभ्याउने,
लुटी खान देशमा थरिथरिका काले छन् ।

झिलिमिली चौकुना बत्ती, दिनमै लगाएर,
अरुणको हाईड्रो आफ्नै, घरमा बाले छन् ।
………

नोट :
जनावर पाल्नुको– पाले ।
सुरक्षा दिने व्यक्ति– पाले ।
हाईड्रो– जल विद्युत परियोजना लामो हुने भएकाले अङ्ग्रेजी शब्द है ।