नेपाली हास्यव्यङ्ग्य अनलाइन पत्रिका

अमर अधिकारी :

(एक गृहिणी पसलमा)
गृहिणीः साहुजी पैसा पुगिन, एकपाउ जिराको सट्टा मेहन्दी दिनुस् त।
साहुः जिराभन्दा महत्वपूर्ण चिज मेहन्दी भयो बा। जिरा पनि लानुस् ! पैसा पछि दिनुहोला।
-१-

(दुई अधबैँसे महिला गफ गर्दै)
एउटीः खराब भनेको मनै हो !
अर्कीः ए तपाइँ नै हो नि ?
एउटीः म भन्या हो नि ! मन भनेको मन !!
-२-

(श्रीमती बढार्दै)
श्रीमतीः कहाँबाट आउँछ कोठामा यत्रो धुलो दिनदिनै ?
श्रीमान्: त्यत्रो मोटो कुचो एकमहिनामै दुब्लाएर यति सानो भैसक्यो, थाहा पाउदिनौँ ? कुचोबाट खस्छ धुलो भनेर ?
-३-

(घरछेउँमा घर ढलान हुँदै गर्दा)
वीरबलः कतातिर जानलाग्नुभयो, सपरिवार ?
बलवीरः हाम्रो घर छेउमा नयाँ घर ढलान गरिराछन्, जेनेटरको आवाजले कानै खाने भएकोले घरमा बस्न नसकेर यसो घुम्नका लागि निस्केको नि !
-४-

(कक्षामा पढाई भैरहँदा)
शिक्षकः ल भन त राजु सभा कति किसिमका हुन्छन् !
राजुः वार्षिक साधारण सभा र विशेष साधारण सभा सर !
रामुः संखुवासभा पनि हो सर .
-५-

०००
खुंग्री, रोल्पा । हालः बुढानिलकण्ठ, काठमाडौँ