अमर अधिकारीपाँच खित्कौली
पहिलोः कहाँ छ त्यो भ्रम मन्त्रालय ? दोस्रोः हामी नेपालीलाई राम्रो कमाई हुन्छ भनेर विदेश पठाउने र अलपत्र पार्ने म्यानपावर कम्पनीको मन्त्रालय नै भ्रम मन्त्रालय होइन र ?
अमर अधिकारी :
(चौबाटो चोकमा डोकोमा सागपात बेच्दै)
पसलेः लौ आयो सस्तोमा कुभिण्डोको मुन्टा !
ग्राहकः फर्सीको मुन्टा र इस्कुसको मुन्टा त खान्छन, यो कुभिण्डोको मुन्टा पनि खान्छन् र ?
पसलेः अस्ति मैले पाँचसयको सिउँडीका पात त बेचेँ, ? ह्याँ के विक्री हुन्न ? संस्थानका महाप्रवन्धकको पद, आयोगका पदाधिकारीको पद सबै विक्री हुन्छन्।
– १ –
(श्रीमान् पसलबाट आएपछि)
श्रीमतीः एउटा झोलामा त गुड ल्याउनुभयो अर्को झोलाको के हो नि ?
श्रीमानः यो गुड, यो चाहिँ ब्याड अर्थात् ह्विस्कीको बोतल ! ख्वै कुरा बुझ्या ?
– २ –
(बजारको दोबाटोमा दुईजना साथी भेट भए)
वीरबलः के ल्याउनु भो झोलाभरी ?
बलवीरः धनियाँ ! तपाईँको झोलामा के हो नि ?
वीरबलः गरिबियाँ !
बलवीरः के हो गरिबियाँ भनेको ?
बलवीरः तपाईँको ठूलो मुठो भएकोले धनियाँ भयो, मेरो सानो मुठो भएकोले गरिबियाँ भयो।
– ३ –
(सिंहदरबार अगाडि दुई साथी भेट भए)
पहिलोः कता पुगेर आउनुभो मित्र ?
दोस्रोः भ्रम मन्त्रालय गएर आ को नि !
पहिलोः कहाँ छ त्यो भ्रम मन्त्रालय ?
दोस्रोः हामी नेपालीलाई राम्रो कमाई हुन्छ भनेर विदेश पठाउने र अलपत्र पार्ने म्यानपावर कम्पनीको मन्त्रालय नै भ्रम मन्त्रालय होइन र ?
– ४ –
(टोलमा नयाँ मान्छे आएपछि)
आगन्तुकः लसुनको घर कुन होला ?
टोलबासीः लसुनको पनि घर हुन्छ र भन्या ?
आगन्तुकः उहाँको पूरा नाम लक्ष्मी सुन्दर नकर्मी हो क्या ! सटकटमा भनेको।
– ५ –
०००
खुंग्री, रोल्पा। हालः बुढानिलकण्ठ, काठमाडौँ
Subscribe
Login
0 Comments
Oldest
