नेपाली हास्यव्यङ्ग्य अनलाइन पत्रिका

अमर अधिकारी :

(श्रीमान् श्रीमती तरकारी पसलमा गएछन्)
श्रीमानः त्यो टर्रो अमलाको भाउ कति हो साहुजी ?
श्रीमतीः टर्रो किन भन्नुपरेको नि, अमला मात्रै भने भैहाल्छ नि !
श्रीमानः तिम्ले चिप्लेभिण्डी, तितेकरेला भन्नहुने ! मैले टर्रो अमला भन्न नहुने ?
१

(कक्षामा पढाइ भैरहँदा)
शिक्षकः ल राजु भन त ! साला कति प्रकारका हुन्छन् ?
राजुः जेठोसाला, माहिलोसाला, साहिँलोसाला, कान्छोसाला सर !
रामुः हैन सर ! म भन्छु- गौशाला, धर्मशाला, बदशाला, पाठशाला ।
२

(टोलमा साथी भेट्न आएपछि)
आगन्तुकः यो टोलमा तारेको घर कुन होला ?
पसलेः खोई तारे नामको मान्छे यो टोलमा भए जस्तो लाग्दैन ।
आगन्तुकः उहाँको खास नाम तारक रेग्मी हो, अलि हतार भएर तारे भनेको।
३

(वल्लो छिमेकीले पल्लो छिमेकीको छोरा रोहनलाई सोध्दै)
छिमेकीः ए रोहन बाबु ! तिम्रा बाउआमा किन सधैँ झगडा गरिरहनुहुन्छ हँ ?
रोहनः के भन्नु ख्वै ? आमा करोडपति जोगीको पूजामा व्यस्त, बा चाहिँ सिनेमा हेर्नमा मस्त। विचार नमिलेपछि झगडा हुनु सामान्य भैगो नि अंकल ! मेरो पो बिचल्ली भो।
४

(श्रीमान् पसलबाट आएर भान्सामा पस्दै)
श्रीमतीः कहाँबाट ल्याउनुभयो यति राम्रो गोलभेँडा ?
श्रीमानः जति राम्रो भए पनि सित्तैमा दिने हैन क्या रे ! पसलको नाम किन भन्नुपर्यो ?
५

०००
खुंग्री, रोल्पा। हालः बुढानिलकण्ठ, काठमाडौँ।