नेपाली हास्यव्यङ्ग्य अनलाइन पत्रिका

कसैको केही लाग्दैन क्षुद्र अभिमानसँग
आफैं आफ्नो खेलबाड गर्न सक्छ जीवनसँग

हाँसेरै शीर चुटाइ दिन्छ मान्छे हिजोआज
छेउ पर्नै मन छैन अचेल मुस्कानसँग

शंकै छ कतै किन-बेच त होइन यो पनि
भो लाग्दैन गरिहालौँ मित्रता सम्मानसँग

सोचिरहेछु उपाय आउँदैन यो दिमागमा
बच्न गाह्रो छ मानिसलाई अपमानसँग

के माग्छेस् माग भन्छ यदि कोही भने मलाई
मानव बन्ने माग्छु बरदान भगवानसँग ।

बेलबारी, मोरङ