जीवनपानीदाउ हान्दाहान्दै सकिन्छ
समाज भन्छ कुलधर्मको इज्जत धान्ने बुहारी भित्र्याउनुपर्छ मेरो जवानी यो समाजको संस्कार जान्दाजान्दै सकिन्छ ।
अनिल घिमिरे :
कस्तो जन्म हो यो अरुले भनेको मान्दामान्दै सकिन्छ
बुझ्दैछु जिन्दगी चुरोट जस्तै रहेछ तान्दातान्दै सकिन्छ ।
यो भन्दा ऊ, ऊ भन्दा त्यो, भएकी भन्दा अर्की राम्री लाग्छ
भन्छन् बिहे नभई तिम्रो उमेर पनि छान्दाछान्दै सकिन्छ ।
“म ताक्छु मुडो बन्चरो ताक्छ घुँडो” भनेझै भाको छ यार
एकोहोरो प्रेम पनि पराइलाई आफ्नो ठान्दा ठान्दै सकिन्छ ।
समाज भन्छ कुलधर्मको इज्जत धान्ने बुहारी भित्र्याउनुपर्छ
मेरो जवानी यो समाजको संस्कार जान्दाजान्दै सकिन्छ ।
के घमण्ड गर्छौ ? ए ! फुलमाया आफ्नो रुप अनि बंैशको
तिम्रो जवानी दशथरीले च्याँखे दाउ हान्दाहान्दै सकिन्छ ।
०००
उदयपुर
Subscribe
Login
0 Comments
Oldest
