डा. सीता सुवेदी पन्थीहे मनु ! गर चिन्तन
बाआमा घरका खम्बा छुन्छन् ती त्याग टाकुरा सन्तति निम्तिमा गल्दै बने निर्बल पाखुरा ।
डा. सीता सुवेदी पन्थी :
ज्ञानले बुद्धिले पाका अनुभवी भई सब
मार्गदर्शनले बन्छन् आदर्शका धरोहर ।
सम्मानले सदा हुन्छन् शिर उच्च समाजका
नगरे वृद्ध सम्मान बन्छन् ती घर लाजका ।
ऊर्जा छन् मनमा नौला वय त्यो वृद्ध देखिने
भोगेर जिन्दगी सारा समृद्धि ज्ञानको हुने ।
बुझेर गर्छ जो नित्य आत्माले जेष्ठ इज्जत
उसैको सोचले उच्च पाउँछन् वर नैतिक ।
बाआमा घरका खम्बा छुन्छन् ती त्याग टाकुरा
सन्तति निम्तिमा गल्दै बने निर्बल पाखुरा ।
सिकायो जसले बोल्न समग्र शब्द माधुरी
नबर्सुन् तिनकै निम्ति हेयका शब्द आसुरी ।
स्रष्टा हुन् देवतातुल्य नबनुन् ती अकिञ्चन
जीवनमार्ग यो बुझ्दै हे मनु ! गर चिन्तन ।
०००
भक्तपुर
Subscribe
Login
0 Comments
Oldest
