सुदन लुइटेलघुस दिएको छु
देशपारि कोठीभित्र देश चिच्याउँदा विरोध गर्न नसकेर आफै खिएको छु ।
गण्डकी पुत्र :
भकारीको सिरान हाली भोकै जिएको छु
प्यास लाग्दा पानी हैन आँसु पिएको छु ।
प्रजातन्त्र फुली देशै मग्मगायो भन्थे
चोट खाई बोल्ने दुवै ओठ सिएको छु ।
समानता राष्ट्रियता वर्षी माटो भिज्दा
नाङ्गो तालु छोप्न टोपी ऋण लिएको छु ।
देशपारि कोठीभित्र देश चिच्याउँदा
विरोध गर्न नसकेर आफै खिएको छु ।
मेरो पुर्खा नेपालकै सन्तान हुन् तर
नागरिकता लिन मैले घुस दिएको छु ।
०००
Subscribe
Login
0 Comments
Oldest
