नेपाली हास्यव्यङ्ग्य अनलाइन पत्रिका

मन्दिर ह्वास्स गनाउँदैछ, कुन्नि के के चढाउनु हुन्छ

कतै हिसाब घटाउनु हुन्छ कतै हिसाब बढाउनु हुन्छ

कलेजको सट्टा भेटिन्छन् अचेल् शिष्य होटल र बारमा

सोच्दैछुै अचेल गुरूहरू खै के के विषय पढाउनु हुन्छ ।

पहेँला सिक्का र नोटमा जब लिलामी कालो कोट हुन्छ

आशँका लाग्छ द्यौताको पनि भित्री नियतमा खोट हुन्छ

सच्चा न्यायाधिश त समय हो समयको फैसला पर्खिनुस्

भरिन्छ जब कर्तुतको घडा अवश्य भयानक विष्फोट हुन्छ ।

जसरी कलमसँग तरबार डराउँछ

झुप्रा झुपडीसँग दरबार डराउँछ

कुन्नि के शक्ति रहेछ भोको पेटमा

भोको पेटसँग सधै सरकार डराउँछ ।