नेपाली हास्यव्यङ्ग्य अनलाइन पत्रिका

(एक)
महङ्गीमा गरीबले कसरी छाक टार्ने
भोकोपेटको आगो कसरी हो मार्ने
सरकार सिंहासनमा निदाएको बेला
जनताले जीवन डुङ्गा कसरी उतार्ने ।

(दुई)
स्वतन्त्र आस्था निष्ठा र सिद्धान्त माथि घात गर्ने
राजनीतिको फुल्दोफल्दो कोठेबारीमा विष छर्ने
कस्तो अप्राकृतिक गठजोडको नमूना पेश गर्यौ
अर्काको काखमा आत्महत्या गरेर एकसाथ मर्ने ।

(तीन)
परिवर्तनको बदलामा यो देश लुट्न पाउँनुपर्छ
दास बनेर मेरै पक्षमा तिमीले गीत गाउँनुपर्छ
लोकतान्त्रिक प्रणालीको मादल बजाउ तिमी
बाँचुन्जेल सत्ताको बागडोर मैलेनै चलाउँनुपर्छ ।

(चार)
तिम्रालागि जनता भोटहाल्ने दास हुन्
जोकरको पत्ती झै बनेका तास हुन्
तर सुषुप्त आगोसँग नजिस्क नेताहरु
जीवन्त युगका धुकधुकी र आश हुन् ।

दमक, झापा