बाबुराम न्यौपाने ‘उत्स’चार थान ठोक्त्तक
ऊ ! खुट्टा तान्छ र भन्छ अगि बढ फेरि दुष्ट मन गुन्छ तिमी यहीँ सड दुनियाँ मान्छे यति मतलवी छ कि भन्छ तिमीले उठ्नु हुन्न सधैं लड ।
१.
गद्यले पद्यलाई सधैं तिरस्कार गरौँ
पद्यले गद्यलाई सुटुक्क दागा धरौँ
अनि पो महान् बन्छन् साहित्यकार
सकिन्छ वितृष्णाको बिज पनि छरौँ ।
२.
गठबन्धनको उल्टो गतिशीलता पनि देखियो
पुरानो कलमले नयाँ इतिहास पनि लेखियो
भन अझै के के लेख्न बाँकी छ नयाँ महाराज
तिम्रै छायामा प्रगतिपथको बाटो किन छेकियो ।
३.
इतिहासको सुन्दर भण्डार कुडाकर्कटले भरियो भने
स्वार्थ सिद्ध गर्न कोरा सिद्धान्तको भ्रम छरियो भने
पछिल्ला सन्ततिहरुले कस्तो विरासत फेलापार्छन्
कुसंस्कार कुशासन हिंसाको बिज छरेर मरियो भने ।
४.
ऊ ! खुट्टा तान्छ र भन्छ अगि बढ
फेरि दुष्ट मन गुन्छ तिमी यहीँ सड
दुनियाँ मान्छे यति मतलवी छ कि
भन्छ तिमीले उठ्नु हुन्न सधैं लड ।
०००
दमक, झापा
Subscribe
Login
0 Comments
Oldest
