नेपाली हास्यव्यङ्ग्य अनलाइन पत्रिका

१.
आँखा बन्द गरेर हो कि पढ्नु पर्ने
कि सर्बाङ्ग नाङ्गो हिउँमा लड्नु पर्ने
विद्वान पनि झुण्डमै अल्झिएपछि
यो युग कसरी हो अगि बढ्नु पर्ने ।

२.
पातलो पर्दाले छ छेकेको
आँखीझ्यालबाट देखेको
जसले जेसुकै सोचुन् तर
जस्ताको तस्तै हो लेखेको ।

३.
राजनीतिको विकृति साहित्यमा पनि सुटुक्क छिर्दैछ
खादा माला देखावटी भद्दा तामझामले साख गिर्दैछ
ढोका चहार्दै पुस्तक बाँडेर साहित्यकार बन्नु परेपछि
साहित्यकारको अस्वस्थ लबिङले साहित्यलाई पिर्दैछ ।

४.
जताततै विकृतिको पहाड उठाएर
जनता जनता आपसमा फुटाएर
फुटाउ राजगरको नीति लिन्छौ किन
शान्तिभूमिमा शान्तिकै मणि लुटाएर ।

५.
शक्ति सत्ता र पैसाको नाङ्गो नाच चलेको छ
गरीबको पेटमा भोकको आगो बलेको छ
कुनैदिन तिमीले उठाएको सुशासनको झण्डा
आज लाजमर्दो गरि तिम्रै बलेसीमा ढलेको छ ।

दमक, झापा