नेपाली हास्यव्यङ्ग्य अनलाइन पत्रिका

१.

बिन्ती छ प्रभु शवरीको जूठो बयर चाखी दिनु पर्‍यो
नैवेद्य भक्तहरूलाई शराब शवाव या साकी दिनु पर्‍यो
तृष्णा प्रधानमन्त्रीकै छ भन्दै हुनुहुन्छ भक्त कम्फर्टेबल
लौन ! न ए परमेश्वर त्यता पनि निगाह राखी दिनु पर्‍यो ।

२.

फकिरको सङ्गतले मायाको सँसार भरिन्न
मुलुक लुटेर पनि सिमानाको भन्सार भरिन्न
रित्ता गाउँमा बाँझिएका छन् पाखा खेतहरू
फेसबुकको रोपाईंले राष्ट्रको धन्सार भरिन्न ।

३.

रुवाउनु सायद् कसैलाई रमाइलो हुँदो रहेछ
प्रतीक्षाको समय अति पट्टयाइलो हुँदो रहेछ
सोध्दिन अचेल म हाल खबर सञ्चो बिसञ्चो
मन नपरेपछि त औषधि पनि बाइलो हुँदो रहेछ ।

गुल्मी