नेपाली हास्यव्यङ्ग्य अनलाइन पत्रिका

१.
समयलाई समय आफै चिन्छ र पो घरिघरि
आफै दिन्छ अनि आफै छिन्छ र पो घरिघरि
सार्थकता जिन्दगीको बुझ्दैछु यस अर्थमा कि
जिन्दगीले नै छड्के जाँच लिन्छ र पो घरिघरी ।

२.
नभिडी हुन्न समस्यासङ्ग रोएर हुनेवाला केही छैन
दाग लागेपछि चरित्रमा धोएर हुनेवाला केही छैन
बेदाग रहोस् भीर पहरामा फुलेको फूल जस्तैहोस्
अनुभूतिको स्पर्श रहोस् छोएर हुनेवाला केही छैन ।

३.
पेट काटेर बुझाएको राजस्व शासक वर्गको घोत नहोस्
भनेको छु त्यो सिंहदरबार शिखण्डीहरूको ओत नहोस्
घाँटीमै पक्रिन्छ भन्छन् बिरालोले कोठा थुनेर चुट्यो भने
सत्ताको दाउपेचमा यो जिमी भण्डारखाल या कोत नहोस् ।

४.
समयलाई समय आफै चिन्छ र पो घरिघरि
आफै दिन्छ अनि आफै छिन्छ र पो घरिघरि
सार्थकता जिन्दगीको बुझ्दैछु यस अर्थमा कि
जिन्दगीले नै छड्के जाँच लिन्छ र पो घरिघरी ।

०००
गुल्मी