नेपाली हास्यव्यङ्ग्य अनलाइन पत्रिका

१.
पहरेदार नै मस्त सुतेपछि के अर्थ रह्यो र ?
सुरक्षा दिनेले नै लुटेपछि के अर्थ रह्यो र ?
बोल्नका लागि ‘आँ’ गरेर के मुख खोलेको थिएँ
विडम्बना, जिब्रो नै थुतेपछि के अर्थ रह्यो र ?

२.
विदेशी जुठो थुक चाट्छन् अनि देश सिध्याउँछन्
जनतालाई नराम्ररी ढाँट्छन् अनि देश सिध्याउँछन्
देशको माया हुनुपर्ने नेतालाई हो तर यिनीहरू नै –
डलरसँग राष्ट्रियता साट्छन् अनि देश सिध्याउँछन् ।

३.
अनर्थ लाइदिन्छन् पढेर कानुनका ठेली, विचार गरौँ
नेताहरू छन् साह्रै नै फटाहा र झेली, विचार गरौँ
हरे शिव ! देश आफैमा असुरक्षित रहेको यो अवस्थामा
कसरी पो सुरक्षित रहलान् र छोरीचेली, विचार गरौँ ।

०००
मध्यनेपाल नगरपालिका-६
भोर्लेटार, लमजुङ