रमेशचन्द्र घिमिरेअप्रिल फर्स्ट
आज `अप्रिल फर्स्ट´ रे ढाँट्नु पर्दछ यस्तो नियम आइन्दा छाँट्नु पर्दछ अबदेखि ढाँट्दिनँ म भन्नू सबैले म झैँ साँचो म झैँ ज्ञानी बन्नू सबैले ।
रमेशचन्द्र घिमिरे :
ढाँट्न हुन्न सिकाउने काका मामाले
इमानदारी पढाउने गुरुआमाले
आज मलाई ढाँट्नु भो किन यस्तो भो ?
नमज्जा भो मलाई कस्तो कस्तो भो
मैले पनि जान्या छु, निहुँ झिक्छु म
भोलिदेखि यसरी नै ढाँट्न सिक्छु म
सिको गर्नुस् असल र राम्रो बानीको
कुरा खानुस् हजुरले बाबुनानीको
आज `अप्रिल फर्स्ट´ रे ढाँट्नु पर्दछ
यस्तो नियम आइन्दा छाँट्नु पर्दछ
अबदेखि ढाँट्दिनँ म भन्नू सबैले
म झैँ साँचो म झैँ ज्ञानी बन्नू सबैले ।
०००
भोर्लेटार, लमजुङ
२०८१/१२/१९
Subscribe
Login
0 Comments
Oldest
