चार ठोक्तक
मौन बस्दैमा सहनशील रहेछ नसोच्नुस् यसको कमजोर मुटु दिल रहेछ नसोच्नुस् चटकीको भीडमा बस्नु पटक्कै मन छैन रेहितलाई मनाउन जटिल रहेछ नसोच्नुस् ।
१.
हँसिया, कुटो, कोदाली नचिन्ने थुप्रै छन्
हलो, जुवा,अनि फाली नचिन्ने थुप्रै छन्
सोच्दै छु, देश कसरी कृषिप्रधान भयो ?
अन्न, फलफूल र बाली नचिन्ने थुप्रै छन् ।
२.
सयौं युवाका सपनाहरू तुहिएको देख्दैन सरकार
र, कणर्ालीमा जडीबुटी कुहिएको देख्दैन सरकार
तर पनि देशलाई यस्तो उस्तो बनाउँछु भन्छ ऊ
कठै ! झुपडीको छानो चुहिएको देख्दैन सरकार ।
३.
दिन प्रतिदिन देशको दुर्गति भइरहेको छ
हिजो भन्दा आज झन् अति भइरहेको छ
नेतामा पागलपनको आँधी हुरी आएपछि
युवाशक्ति परिचालनमा क्षति भइरहेको छ ।
४.
मौन बस्दैमा सहनशील रहेछ नसोच्नुस्
यसको कमजोर मुटु दिल रहेछ नसोच्नुस्
चटकीको भीडमा बस्नु पटक्कै मन छैन
रेहितलाई मनाउन जटिल रहेछ नसोच्नुस् ।
०००
काठमाडौं