मिटरब्याजमा तीन ठोकान
मिटरब्याजी हुँदा गाउँ बस्तीमा स्वच्छन्द बढिरहेको छ पीडा बढिरहेको छ द्वन्द ।
मिटरब्याजी- १
मिटरब्याज पीडितको
समस्या समाधानको
गति छ मन्द,
जहिले पनि लन्दफन्द ।
जब नाम ‘खुला’ मञ्च
फेरि किन बन्द ?
मिटरब्याजी- २
मिटरब्याजी हुँदा
गाउँ बस्तीमा स्वच्छन्द
बढिरहेको छ पीडा
बढिरहेको छ द्वन्द ।
पीडित राजधानीतिर नाङ्गै खुट्टा
मिटरब्याजीलाई गाउँमै आनन्द ।
आश अस्त- ३
सिद्धान्त बङ्ग्याउँन
उहाँ हुँदा सिद्धहस्त-
जनता पस्त ।
सूर्योदय नहुँदै
आश अस्त ।
०००
विराटनगर