नेपाली हास्यव्यङ्ग्य अनलाइन पत्रिका

मुखाले रेग्मी :

१.
घण्टी बजाउँदै चटके आयो
छेपारोसँग गला मिलायो
मौकामा चौका हान्दै
मलसाँप्रोले मादल बजायो ।

२.
बुर्कुसी मारेर बार्दलीमा लाको माया
उपर्तली भएर फेरि बसाइँ नसरोस् !
भुइँको टिप्न खोज्दा पोल्टाको पोखिएर
रुवाबासी गर्नु नपरोस् !
छेपारे मयाँलाई पनि चेपारे शुभकामना !

३.
उता थच्याइयो यता मच्याइयो
दौरासुरालको ठाँट पारेरै
प्रतिगमन भनाउँदोलाई
सर्लक्कै सच्याइयो ।

४.
पल्लोघरको नरे
ओल्लोघर सरे
छेपाराको पारा देखेर
चमेराले खासखुस गरे ।

५.
संविधान थला परेछ क्यार !
त्यसैले त हिजोआज
मौसमी ट्युनिकमा ठाँटिएर
गोरु गधाहरू
मलामी जाने हतारमा
हस्याङ्फस्याङ गरिरहेछ्न् ।

०००
सप्तरी