नेपाली हास्यव्यङ्ग्य अनलाइन पत्रिका

भोजराज रेग्मी ‘मुखाले’ :

१.
कसैले पनि नसक्ने कस्तो हिसाब आयो
मैँ हुँ भन्नेलाई पनि पो तुर्तुर पिसाब आयो
एक थोक रोप्दा अर्कै थोक फल्छ यहाँ
सतीको सवालको जङ्गे जवाब आयो ।

२.
राजनीतिमा नकचराहरूको लाजभाँड देख्छु
सामाजिक सञ्जालमा धतुराधतुरीको तँछाड्मछाड देख्छु
लथालिङ्गहरूको कमाल हो कि त !
जताततै अलओल्ले गलगाँड देख्छु ।

३.
अभक्ष जति घिची घिची गोहीको आँसु चुहाउँदै गर
तिम्रा मालिकको पाउदेखि मलद्वारसम्म धाउँदै गर
तिमेर्को बिग्र्या बुद्धि देखेर चित्रगुप्त पनि चकित होलान्
नरिझाई त खैरियत छैन, हातमा तेलबेसार लाउँदै गर !

०००
पेप्सीकोला