नेपाली हास्यव्यङ्ग्य अनलाइन पत्रिका

रेहित सैजु :

आफ्नै लय उत्कर्षमा जनाउन सके पो दसैँ
मनलाई शान्त उमङ्ग बनाउन सके पो दसैँ
चुरीफुरी, रवाफ देखाउनु कहाँनेर जरुरी छ
आफ्नो घाँटीलाई हेरेर मनाउन सके पो दसैँ ।

सबैलाई एउटै नीति नियम चलेको देख्दिनँ
चिस्याएर त फलाम पनि गलेको देख्दिनँ
हुने खानेहरुको नयाँ नयाँ योजना बन्छन्
गरिबको त चुल्हो समेत बलेको देख्दिनँ ।

न रहर बाध्यता मजबुरी देखाउनु भएन
उत्ताउलो बढ्दो चुरीफुरी देखाउनु भएन
अर्को साल नि दसैँ आउँछ मन बुझाउ-
अहिले मान्न कुनै जरुरी देखाउनु भएन ।

०००
दोरम्बा ५,  रामेछाप ।