नेपाली हास्यव्यङ्ग्य अनलाइन पत्रिका

उपेन्द्र पौडेल :

१.
साह्रै ठूला नेता ठानी उनकै पछि लाइयो
तिनकै लागि अदालतमा तारिक पनि धाइयो
खोला तर्‍यो लौरो बिर्स्यो डन, गन उनका साथी
जनता र देशका दुश्मन यस्ता किन चाहियो ।

२.
‘वर्मा गए कर्मसँगै’ भने जस्तै भयो
गरिबको समस्या झन प्रसस्तै भयो
भाषणमा जे जे तन्त्र फलाकेता पनि
फरक छैन पहिले र अहिले उस्तै भयो ।

३.
सुन्नेले नसुनेपछि बोल्न बेकार हुन्छ
शब्दहरू खेलाउनेलाई त्यही व्यापार हुन्छ
व्यक्त गर्न पाउँछ भन्छन् मनका कुराहरू
पिडाहरू चिच्याउँदा उल्टै केरकार हुन्छ  ।

०००
पोखरा
हालः मेलबर्न, अष्ट्रेलिया