नेपाली हास्यव्यङ्ग्य अनलाइन पत्रिका

उपेन्द्र पौडेल :

१.
औँला दिँदा डुँडुलो निल्ने धेरै छन्;
खुट्टा तान्न बसेका आफु नेरै छन् ।
गरि खाएको डाहा गर्छन् त्यस्ताले;
टाढा होईन उनीहरू वर वरै छन् ॥

२.
धेरै भन्दा धेरै वेशको खोजि गर;
मन-मुटुभित्र देशको खोजी गर ।
संस्कार संस्कृति हाम्रो अस्तित्व हो;
आफ्नै भाषा र भेषको खोजी गर ॥

३.
आज छ भोलि छैन, कस्तो मित्रता हो;
लोभि पापीको यहिनै मुख्य चरित्रता हो ।
एक मात्र दाउ स्वार्थसिद्धमा हेर्दछ ऊ;
यस्तो मानसिकता त क्षुद्र र दरिद्रता हो ॥

०००
पोखरा, कास्की