नेपाली हास्यव्यङ्ग्य अनलाइन पत्रिका

उपेन्द्र पौडेल :

१.
काटिन्छ सोझो, ठोकिन्छ सोझो, सोझोलाई मार छ;
जानेको छैन दुष्ट्याईं र ढाँट-छल नैतिकता बार छ ।
सोचाई नि बाङ्गो, हेराई नि बाङ्गो, बोलाई नि छ बाङ्गो;
जो गर्छ जालझेल छलकपट उस्को जीवन अपार छ ॥

२.
पवित्र चौतारीलाई बकवासको थलो बनाए;
कुस्ति, डण्डिबियो र छेलो हान्ने खलो बनाए ।
हेरन ! दलाल र माफियाले अब्बल छु भन्दछ;
आस्थाको केन्द्रलाई फुक्लिएको हलो बनाए ॥

३.
चोरी पनि गरेका छन्;
धेरै तल झरेका छन् ।
पेशा त राजनीति हो रे !
यता र उता सरेका छन् ॥

०००
पोखरा-११, कास्की