नेपाली हास्यव्यङ्ग्य अनलाइन पत्रिका

उपेन्द्र पौडेल :

१.
बिर्सिदिन्छन नोट-भोट दिई सपोर्ट गर्नेलाई;
काखी च्याप्छन् गलत कुरा कानमा भर्नेलाई ।
ट्यापे मुन्द्रे गुण्डाहरू सच्चा दोस्ती बन्छन्;
घृणालाग्छ स्वार्थ खिच्न हदमै झर्नेलाई ॥

२.
उनकै भोटले उनैलाई दास बनाउँछन्;
चुनावताका फकाएर खास बनाउँछन् ।
जितेँ भने शाकाहारी हुन्छु भन्छ स्यालले;
चुनाव जितेपछि एकै गास बनाउँछन् ॥

३.
मासिने बेलामा कमिलाको प्वॉख आउँछ रे;
आफ्नालाई छोडी पराईसँग मित लाउँछ रे ।
आफू बाहेक अरुलाई देख्दैनन मतलबीले;
तेस्तो स्वार्थीले, अन्ततः दुःख पाउँछ रे ॥

०००
पोखरा-११, कास्की