नेपाली हास्यव्यङ्ग्य अनलाइन पत्रिका

अमर अधिकारी :

जनता पिसिए चिलेसा घुन झैँ
नेता टल्किए छापावाल सुन झैँ ॥

थला प-याे मुलुक अहिले
वैद्य हराए आउने छन् कहिले ॥

घट्टको त्यो फग्लेँटो खिइयो
नयाँ हाल्दा नगदै दिइयो ॥

बूढा नेता खिइँदै बिलाउँदै
देशको लुतो बढेर चिलाउँदै ॥

कुर्सी तान्ने टाठा र बाठाले
हेरिरहने सोझा र लाटाले ॥

बाह्र पढे विदेशमै हुत्तिए
आमाबाट सधैँलाई छुट्टिए ॥

लाज सरम क्यै छैन नेतालाई
कान्छो छोडि पोस्दैछन् जेठालाई ॥

दोष लुकाउन मन्त्री नै बनेर
यो मुलुकमा क्यै हुन्न भनेर ॥

आशैआशमा जनता झुक्याइए
सोझा सबै हिर्काइए मुक्याइए ॥

०००
काठमाडौं