दुर्गाप्रसाद ग्वालटारेआए जस्तो भयो
अरू आउनु तिमी आउनु फरक रहेछ धेरै साक्षात् ‘दुर्गा’ जस्केलामा आए जस्तो भयो ।
दुर्गाप्रसाद ग्वालटारे :
साँच्चै भनूँ यो मनले चाहे जस्तो भयो
तिमी आयौ बल्ल दशैँ आए जस्तो भयो ।
धुम्मिएको आकाश बनी कत्ति बस्यो चित्त
आज चट्ट पानस बत्ती बाले जस्तो भयो ।
टोलाएर धौलागिरी हेर्थ्यो डाँडा पारी
फेवासँगै माछापुछ्रे हाँसेजस्तो भयो ।
उमङ्गले घुम्यो संसार, तिम्रो आगमनले
लठ्ठ परी सूर-तालमा माते जस्तो भयो ।
अरू आउनु तिमी आउनु फरक रहेछ धेरै
साक्षात् ‘दुर्गा’ जस्केलामा आए जस्तो भयो ।
०००
१९ अक्टोबर २०८०
मेलवर्न, अस्ट्रेलिया ।
Subscribe
Login
0 Comments
Oldest
