नेपाली हास्यव्यङ्ग्य अनलाइन पत्रिका

लक्ष्मण नेवटिया :

छ माया छपक्कै- १

जिन्दगीमा जे पायो, त्यही लपक्कै,
जे पायो मजा लिएर, खायो गपक्कै,
यस्तै पात्र सजिएका, सर्वत्र अहिले
उनलाई नै अहिले, “छ माया छपक्कै”।

गल्तीको चल्ती- २

हामी वीर अति, फेरि पनि तथ्यांक
सधैं ओरालोतिर, भइरहन्छ क्षति।
किन यस्तो गति ? जवाफ फर्काइयो,
भएर एउटै गल्ती, खल्ती भर्नेहरूको
जताततै निर्बाध भैरहेकोले चलती।

गर्ने नोक्सानी हाम्रो बानी- ३

आफू नगर्ने, अरूले गर्दा
गर्ने खिंचातानी हाम्रो बानी,
आफू नगर्ने,अरूले गर्न खोज्दा
रोक्ने जानीजानी हाम्रो बानी,
तैरन नजानी “तैराकश्री”को
उपाधि लिन छैन आनाकानी,
आफ्नै खुट्टामा बञ्चरो हानी
गर्ने नोक्सानी हाम्रो बानी।

०००
विराटनगर