नेपाली हास्यव्यङ्ग्य अनलाइन पत्रिका

भाेजराज रेग्मी मुखाले :

१.
मनमा कताकती टाँसिएका लाजशरम खुर्केर फाल्दैछु
गतिछाडाहरूको आइपिओमा म पनि शेयर हाल्दैछु
न अल्मल्याओ है छौँडाछौँडी हो मलाई फुर्सद छैन,
म त नानाभाँतीका खोर बनाएर नकचराहरू पाल्दैछु ।

२.
चुकुल बिग्य्रा चर्पीभित्र सुसेल्दासुसेल्दै गायक भइएछ
टिकटकमा नखरा पार्दापार्दै नायक भइएछ
गर्नै नहुने काम गर्दागर्दै राष्ट्रिय डन घोषित भएपछि
महापुरुषहरूले मनपराउने लायक भइएछ ।

३.
नपाउनेले केरा पाउँदा बोक्रैसमेत खाएछ
लाटाहरू भेला गरि गाँडोले गफ लडाएछ
प्रतिभा र प्रगतिको कति बखान गर्नू !
बोर्डिङ पढ्न गको बच्चो बेहुली लिई आएछ ।

०००
पेप्सीकाेला, काठमाडाैं