नेपाली हास्यव्यङ्ग्य अनलाइन पत्रिका

गोपाल काफ्ले :

१.
जनता सीमाको बार हो
मानवता राष्ट्रको सार हो
जनता विदेसियाउने शासक
लडाइँ बिनाको हार हो !!

२.
राणाले दिएको प्रजातन्त्र सर्वोत्तम थियो
पञ्चायतले दिएको प्रजातन्त्र उत्तम रह्यो
सबै भोगेका बुज्रुकहरु भन्न थाले अचेल
गणतन्त्रले दिएको प्रजातन्त्र खत्तम भयो !!

३.
परिवार नियोजन पढाउने हाम्रा गुरुका एक दर्जन बच्चा
अरुले जे भनून् म भन्छु हाम्रा गुरु वचनका पक्का
जे पढाइन्छ त्यो व्यवहारमा कहाँ लागू हुन्छ र भन्छन् उनी ?
कि खेल नै नखेल्नू, खेलिसके पछि कि चौका कि छक्का !

०००
हेटौंडा