नेपाली हास्यव्यङ्ग्य अनलाइन पत्रिका

अमर अधिकारी :

१.
छोरीः म विदेश जान पाइन भने त झुण्डिएर मरिदिन्छु ।
बाउः झुण्डिने त विदेशबाट ल्याएको नाइलनको डोरीले होइन नि ! हाम्रै देशको पटुवाको डोरीले झुण्डिनु।

२.
भर्खरै बनेको बाटो भएर गाउँमा उम्बुलेन्स आएपछि
छोराः बा हेर्नुस्, एम्बुलेन्स भनेको त्यही हो ?
बाः उहिले मैले स्कुलमा पढाउने बेला हेण्डलेन्स त देखेको थिएँ, एम्बुलेन्स सुनेको थिएन ।

३.
बाउको प्राण जाँदैगर्दा
छोराः नारायण भन्नुस् बा ।
बाबुः पहिला एउटा टिकटक हेरेर मर्न पाएहुन्थ्यो छोरा ।
छोराः मर्नेबेलामा हरियो काँक्रोभन्दा पनि महत्वपूणर् पो भयो बा यो टिकटक पनि ।

४.
एटिएम बुथबाट निस्किएपछि
साथी१ः नोट गन्दै अनुहार किन अध्यारो पारेको साथी ?
साथी२ः पैसा निकाल्दावित्तिकै बैंक खातामा ब्यालेन्स घटेको मेसेज आयो नि त !

५.
राकेशः ए साथी किन हो लेडिज मोजा लगाएर हिँडिराको?
रामेशः संविधानले धेरै स्वतन्त्रता दिएको छ रे नि त्यसैले।

०००
बुढानीलकण्ठ, काठमाडौं