रुद्र ज्ञवालीतीन ठोक्तक
वस्त्र उस्तै होस् सिउने तरिका फरक हुन्छ पीयूष जुन होस् पिउने तरिका फरक हुन्छ कसैको निजी जीवनको टिप्पणी किन गर्नू प्रत्येक मान्छेको जिउने तरिका फरक हुन्छ ।
रुद्र ज्ञवाली :
१.
जलाएर आफ्नै मन आगोझैँ ताप्न मिल्ने भए त
मन ओछ्याएर यादको तन्ना खाप्न मिल्ने भए त
अपुग हुन्थ्यो होला अङ्कगणित नै यो दुनियाँमा
प्रेमको आयतन जोख्न अथवा नाप्न मिल्ने भए त ।
२.
वस्त्र उस्तै होस् सिउने तरिका फरक हुन्छ
पीयूष जुन होस् पिउने तरिका फरक हुन्छ
कसैको निजी जीवनको टिप्पणी किन गर्नू
प्रत्येक मान्छेको जिउने तरिका फरक हुन्छ ।
३.
ओरालो बाटो लागेकालाई झरी जाऊ भन्न नसकिने
अन्यत्रै जान्छु अब भन्नेलाई सरी जाऊ भन्न नसकिने
किन यस्तरी लबस्तरो र कमजोर बनी दिन्छ विश्वास
मर्दिन्छु भनेर घुर्क्याउनेलाई मरी जाऊ भन्न नसकिने ।
०००
भैरहवा
Subscribe
Login
0 Comments
Oldest
