नेपाली हास्यव्यङ्ग्य अनलाइन पत्रिका

निर्मोही व्यास :

१.
खुम्चिई लीकमा गुड्ने रेल होइन जिन्दगी
उर्लँदो खहरेजस्तो भेल होइन जिन्दगी
“भोगूँ-भोगूँ अझै” लाग्ने, यो हो अद्भुत मोहनी
कागका निम्ति पाकेको बेल होइन जिन्दगी ।

२.
मुक्त आकाश हो,सिङ्गो,जेल होइन जिन्दगी
“झुम्राको पुतली” जस्तो खेल होइन जिन्दगी
आत्मा र परमात्माको मेल हो यो अजम्मरी
नघुल्ने जलका साथ तेल होइन जिन्दगी ।

३.
हो पाप-पुण्यको साक्षी, झेल होइन जिन्दगी
पौरखी पाखुरानिम्ति नेल होइन जिन्दगी
सर्वथा उच्च दर्जामा पास, पास र पास हो
कर्मवीरहरूनिम्ति फेल होइन जिन्दगी ।

०००
हेटाैडा