नेपाली हास्यव्यङ्ग्य अनलाइन पत्रिका

काठमाडाैं । कर्मदा सिर्जना मञ्च नेपाल, पाउँदीबजार लमजुङले ५७ औँ विद्युतीय प्रसार स्वतन्त्र विधा रचनावाचन भव्य किसिमले सम्पन्न गरेको छ ।

कविगोष्ठी संस्थाका अध्यक्ष जगदीश्वर पोखरेलको अध्यक्षता तथा प्रमुख आमन्त्रित वरिष्ठ कवि एवं समालोचक ठाकुरप्रसाद शर्मा विशिष्ट अतिथि कलानिधि दाहाल, पुरुषोत्तम सिग्देल, डा. बमबहादुर थापा जिताली, हरि खनाल, गणेश आत्रेय, र गङ्गा लिगल समीक्षक वरिष्ठ कवि खोलाघरे साहिँलो ज्यूको गरिमामय उपस्थितिमा भव्यरूपमा सम्पन्न भयो ।

लमजुङको प्रवेशद्वारमा रहेको साहित्यिक संस्थाको कविगोष्ठीमा छन्द, स्वछन्द, कविता, लोकछन्दका कविता रोचक ढङ्गबाट कविहरूले प्रस्तुत गरे । देश भक्ति भावले भरिएका, जनचेतना मूलक तथा सामाजिक विकृति बिरुद्ध प्रहार गरिएका रचना वाचन गरेका थिए ।

यस गरिमामय गोष्ठीमा सिर्जना वाचन गर्ने सर्जक ठाकुरप्रसाद शर्मा( वसन्ततिलका – वसन्त महिमा), कलानिधि दाहाल (अनुष्टुप् – को फर्कि भन्छ यो घर), पुरुषोत्तम सिग्देल ( भ्रमरावली – नगरी नगरी), डा. बमबहादुर थापा जिताली (अनुष्टुप् – कहाँ छन् बुद्धका आँखा ), हरि खनाल (अनुष्टुप्- कठैबरा), गणेश आत्रेय (भ्रमरावली – निकास), खोलाघरे साहिँलो ( शार्दूलविक्रीडित – कल्ले जित्छ), जनार्दन अधिकारी धड्कन (स्वच्छन्द – अस्तित्वको मूलधारमा), गङ्गा लिगल ( शार्दूलविक्रीडित – हे आमा ममतामयी), दुर्गाप्रसाद सिग्देल (स्रगधरा – मान्छे ), हरिप्रसाद चौलागाईं (स्रग्धरा – धन्य हो धन्य), जगदीश्वर पोखरेल (शार्दूलविक्रीडित – माता यी पतिकी मुमा सरह नै हुन् कर्म माता पनि), सुधा बाँस्कोटा ढकाल (मालिनी – जिन्दगीको कहानी), उत्तम भेटुवाल ( वसन्ततिलका – जिन्दगी), दुर्गा रिमाल अधिकारी (पञ्चचामर – बुबामा समर्पण), बिनुबाबा घिमिरे भण्डारी (विद्युन्माला – आमा), टेकबहादुर लौडारी ( अनुष्टुप् – वर्साऊ शुभकामना ), द्वारिका कुइँकेल ( असारे झ्याउरे – खल्ती चोर ), लक्ष्मिप्रसाद मिश्र ( सवाई – जय बुद्ध ), पवनकुमार बुढाथोकी ( स्वच्छन्द – के ठीक के बेठीक), बालकृष्ण सुवेदी ( असारे झ्याउरे – किसानको श्रम कता), वीरबहादुर लोहनी (असारे झ्याउरे – बुद्ध ज्ञान सन्देश) हुनु हुन्थ्यो ।

प्रमुख अतिथि भण्डारीले कर्मदा सिर्जना मञ्च नेपालले छन्दको उन्नयनमा योगदान गरेको छ भन्नुभयो । स्थापित र नवोदित सर्जकलाई आफ्ना रचना प्रस्तुत गर्ने, सिक्ने सिकाउने अवसर प्रदान गरेको छ भन्नु भयो । कर्मदालाई शुभकामना व्यक्तगर् भएको थियो ।

समीक्षक खोलाघरे साहिँलोले वाचन गरेका सिर्जनाको सुललित किसिमले समीक्ष गर्नु भएको थियो । खोलाघरे साहिँलोको कविताको समीक्षा कलानिधि दाहालले विशिष्ट किसिमल गर्नु भएको थियो ।

अध्यक्ष जगदीश्वर पोखरेलले गोष्ठीको संयोजन गर्नु भएको थियो । संस्थको अनुरोधलाई स्वीकार गरेर सहभागी भएर कविगोष्ठी सफल बनाई दिनु हुने सम्पूर्ण सर्जकलाई धन्यवाद दिदै समारोह समाप्त भएको घोषणा गर्नु भएको थियो ।
०००