नेपाली हास्यव्यङ्ग्य अनलाइन पत्रिका

काठमाडाैं । कर्मदा सिर्जना मञ्च नेपाल, पाउँदीबजार लमजुङले ५९ औँ शृङ्खला २१३ औँ अदिकवि भानुभक्त जयन्ती विशेष प्रविधिमैत्री कविगोष्ठी भव्य किसिमले सम्पन्न गरेको छ ।

संस्थाका अध्यक्ष जगदीश्वर पोखरेलको अध्यक्षता तथा प्रमुख आमन्त्रित वरिष्ठ कवि डा. बमबहादुर थापा जिताली, समीक्षक पुरुषोत्तम सिग्देल, विशिष्ट अतिथि कलानिधि दाहाल ज्यूको गरिमामय उपस्थितिमा भव्यरूपमा सम्पन्न भयो ।

कविगोष्ठीमा आदिकवि भनुभक्तका रचना छन्द, स्वछन्द, कविता, सुसेली, मुक्तक, खोरिया, लोकछन्दका कविता रोचक ढङ्गबाट कविहरूले प्रस्तुत गरे । देश भक्ति भावले भरिएका, जनचेतना मूलक तथा सामाजिक विकृति बिरुद्ध प्रहार गरिएका रचना वाचन गरेका थिए । सम्पूर्ण कविले भानुको स्मरणमा रचना प्रस्तुत गरेका थिए ।

यस गरिमामय गोष्ठीमा सिर्जना वाचन गर्ने सर्जक डा. बमबहादुर थापा जिताली (सवाई – नेपाली भाषामा भानु), पुरुषोत्तम सिग्देल अभिनवतामरसा- वर मागे), कलानिधि दाहाल (अनुष्टुप् – कल्प कल्प छ अकल्प), गणेश आत्रेय (दिक्पा – बाटिका), हरि खनाल (शार्दूलवोक्रीडित – टिक्टकरायण),गोविन्दप्रसाद घिमिरे वेदमणि (मन्दाक्रान्ता – पैसा पाएपछि), रामचन्द्र न्यौपाने वनवासी (अनुष्टुप् – यथार्थ), दुर्गाप्रसाद सिग्देल (स्रगधरा – गाउने चिन्छ वसन्त), विन्दु दाहाल मूकदर्शक (पञ्चचामर – भानुको सम्झना ), जगदीश्वर पोखरेल (असारे झ्याउरे – भानुको सम्झना) हुनुहुन्थ्याे ।

त्यसैगरी जनार्दन अधिकारी धड्कन (खोरिया – सारे झ्याउरे – भानु र असार), दुर्गा रिमाल अधिकारी (स्रग्विणी – भानुको लेखनी ), सुधा बाँस्कोटा ढकाल (स्रग्विणी – छन्दको माधुरी), डिल्लीप्रसाद मुलतिहून (तोटक – कति मर्नु), हरिप्रसाद चौलागाईं (सवाई – भानु), वासु ठकुरी (अनुष्टुप् – भानुको सम्झना ), कृष्णप्रसाद मिश्र (तिलका – भानुलाई प्रणाम), दुर्गा अधिकारी भमरकोटे (सुसेली र असारे झ्याउरे – भानुमा सम्झना), चन्द्रावती अधिकारी (भुजङ्गप्रयात – कवि भानु), बिनुबाबा घिमिरे भण्डारी (असारे झ्याउरे ), ललिता खरेल (स्वच्छन्द – सपुत राष्ट्रको), द्वारिका कुइँकेल (लोकछन्द– भानु ), लक्ष्मिप्रसाद मिश्र (सवाई – भानु जिउँदै छन् ), पवनकुमार बुढाथोकी (मुक्तक), सुरेशचन्द्र घिमिरे (सुसेली र असारे झ्याउरे – भानुमा सम्झना), वीरबहादुर लोहनी (लोकछन्द – भानुको सम्झना ), चन्द्रा न्यौपाने (सुसेली र असारे झ्याउरे – भानु ), वालकृष्ण सुवेदी (लोकछन्द – भानुको योगदान) रामकृष्ण अधिकारी (कर्मदालाई शुभकामना ) र युवराज कोइराला (कर्मदालाई शुभकामना) ले रचना प्रस्तुत गर्नुभएकाे थियाे।

प्रमुख अमन्त्रित जितालीले कर्मदा सिर्जना मञ्च नेपालले छन्दको उन्नयनमा योगदान गरेको छ भन्नु भयो । भानु विशेष कविगोष्ठी भव्य रूपमा सम्पन्न भयो भन्दै भानुले नेपाली भाषामा गरेको योगदानको चर्चा गर्नु भयो । कर्मदालाई शुभकामना व्यक्त गर्नु भएको थियो ।

विशिष्ट अतिथि कलानिधि दाहालले समीक्षक पुरुषोत्तम सिग्देलको कविताको सटिक समीक्षा गर्नु भयो । समीक्षक पुरुषोत्तम सिग्देलले वाचन गरेका सिर्जनाको सुललित किसिमले समीक्षा गर्नु भएको थियो ।

अध्यक्ष जगदीश्वर पोखरेलले गोष्ठीको संयोजन गर्नु भएको थियो । संस्थको अनुरोधलाई स्वीकार गरेर सहभागी भएर कविगोष्ठी सफल बनाई दिनु हुने सम्पूर्ण सर्जकलाई धन्यवाद दिदै समारोह समाप्त भएको घोषणा गर्नु भएको थियो ।

०००
जगदीश्वर पाेखरेलकाे साैजन्यमा