नेपाली हास्यव्यङ्ग्य अनलाइन पत्रिका

प्रजापति उपाध्याय र देवकीको जेठो छोराका रूपमा डा. तारानाथ शर्मा १९९१ असार ९ गते इलाम, बरबोटेमा जन्मेका हुन् । ताना शर्मा नामबाट नेपाली साहित्य सिर्जना गर्ने शर्माको पहिलो प्रकाशित सिर्जना दार्जिलिङबाट निस्कने ‘साथी’ साप्ताहिक पत्रिकामा ‘इलाम’ शीर्षकको निबन्ध हो । शर्माका ‘नमस्ते (२०४४), ‘जमर्काहरू(२०२५), लगायत चार दर्जनभन्दा बढी साहित्यिक कृति प्रकाशित छन् । उनका पछिल्ला कृति ‘चरी भरर’ नामक निबन्धसङ्ग्रह हो । शर्माले ‘नासो’ मैनालीको कथासङ्ग्रह (२०२१), ‘आमाको सपना’ रिमालको कवितासङ्ग्रह (२०१९), चाँदनी शाहको कवितासङ्ग्रह (२०३९) लगायत दर्जनौँ पुस्तकको सम्पादन गरेका छन् । शर्मा ‘बेलायततिर बरालिँदा’ कृतिका लागि ‘मदन पुरस्कार, २०२६’, ‘साझा पुरस्कार, २०२९’, ‘रत्नश्री स्वर्ण पदक’ बाट पुरस्कृत व्यक्तित्व हुन् । प्रख्यात समालोचक एवं नियात्रा लेखक र साहित्यमा झर्रोवादी अन्दोलनका अग्रणी शर्मा २०७९ फागुन ३ गते देहान्त भयो ।