बसन्ती भुजेलहाम्री कान्छी बज्यै
तर पनि होस मेरो अझै ताजा लाग्छ हात गोडा चलेकै छन् हिम्मत पो जाग्छ । वृद्धा भएँ अनुभव मिठा बाँड्छु अझै सबै भन्छन् ज्ञानी तिमी हाम्री कान्छी बज्यै ।
वसन्ती भुजेल :
यो मनले नि हार खान थाल्यो आजभोलि
जिन्दगी त यही हो नि बगी जाने खोली ।
हिजोसम्म लाग्थ्यो संसार जित्नु पर्छ मैले
आँगनीको डिल पनि टाढा लाग्छ ऐले ।
रङ्गीचङ्गी सपना मेरा बस्थे निदरीमा
निरस किन लाग्नथाल्यो आज विपनीमा ।
पंक्षी जस्तै क्षितिज माथि उड्ने रहर लाग्छ
समयले आज फेरि प्वाँखै काट्न खोज्छ ।
कर्कसजस्तो लाग्छ किन कोइलीको बोली
जिन्दगी त यही हो नि बगी जाने खोली ।
तर पनि होस मेरो अझै ताजा लाग्छ
हात गोडा चलेकै छन् हिम्मत पो जाग्छ ।
वृद्धा भएँ अनुभव मिठा बाँड्छु अझै
सबै भन्छन् ज्ञानी तिमी हाम्री कान्छी बज्यै ।
०००
भक्तपुर
Subscribe
Login
0 Comments
Oldest
