रेहित सैजुचार ठोक्तक
नियन्त्रणको सिमाना नाघेपछि यस्तै हुन्छ नचाहिँदो इन्द्रियहरू जागेपछि यस्तै हुन्छ कालोलाई सेतो देख्छन् र सेतोलाई कालो सत्ताको नमीठो मात लागेपछि यस्तै हुन्छ ।
रेहित सैजु :
१.
तिम्रा पापका हवेलीहरू ढलाएरै छाड्ने छन्
आडम्बरले चल्ने गन्तव्य गलाएरै छाड्ने छन्
तिमीले के सोच्यौ युवालाई ? युवा सबथोक हुन्
हेर्दै जानु, यो देश एकदिन चलाएरै छाड्ने छन् ।
२.
हामी हाम्रै नियतिले बारम्बार पिटिएका छौँ
मपाइत्वको रोगले झन् खुब पिल्सिएका छौँ
कहिले यताका कुरा मान्यौँ, कहिले उताका
कठै ! हामी यसरी नै भित्रभित्रै रित्तिएका छौँ ।
३.
गौरवमय इतिहास मेटिँदै छ याद राख्नुस्
विसङ्गतले वर्तमान रेटिँदै छ याद राख्नुस्
पद र पैसाको पछाडि नदौडनुस् महोदय !
सन्त्रासको जिन्दगी भेटिँदै छ याद राख्नुस् ।
४.
नियन्त्रणको सिमाना नाघेपछि यस्तै हुन्छ
नचाहिँदो इन्द्रियहरू जागेपछि यस्तै हुन्छ
कालोलाई सेतो देख्छन् र सेतोलाई कालो
सत्ताको नमीठो मात लागेपछि यस्तै हुन्छ ।
०००
रामेछाप
९८६२५८१६०२
rehitsaiju17@gmail.com
Subscribe
Login
0 Comments
Oldest
