नेपाली हास्यव्यङ्ग्य अनलाइन पत्रिका

कविराज घिमिरे :

व्यक्त छन् सुरसिला नव वाणी
मुक्त छन् कपटका क्षण खाली
शुद्ध भाव मनमा उनका छन्
मातृ लोकभरिकै हँसिली हुन् ।। १

छैन शोक दिलमा सुख बोल्छ
धीर चित्त झुसिँदा बह खोल्छ
भूमिझैँ छ सहने गति चाल
हुन् उनी सकलमा सहकाल ।। २

खोट छैन शिरमा मन शान्त
सौख्य छन् कति मिठा प्रिय कान्त
धन्य धन्य जननी गृहशोभा
छन् तिमी सँग नियाँ जनसेवा ।। ३

सार हुन् जनककी दृढ रश्मि
शक्ति हुन् अटल यी र तिलस्मी
सृष्टिकी धवल हुन् हितकारी
चित्तकी भगवती सुकुमारी ।। ४

सम्पदा भुवनकी महकीय
शास्त्रझैँ सुमन यी मननीय
छैन राग फजिती शुभनामा
श्रेष्ठ हुन् सफलता गुरु आमा।। ५

०००
भक्तपुर