नेपाली हास्यव्यङ्ग्य अनलाइन पत्रिका

अमर सन्तति :

१.
ओरालो लागे खेद्छन् ,उकालो लागे तान्छन्
आफ्नैले किन तीखा बचन बाण हान्छन् ?
नगरे पनि केही नै नराम्रो काम, बिराम,
तैपनि मान्छे किन शत्रु हो जस्तो ठान्छन् ?

२.
भ्रममा छौँ कि आफैँलाई चिमोट्ने घोच्ने हो कि !
आफ्ना लोभ स्वार्थ सारा खाडलमा कोच्ने हो कि !
देशै नभए हामी कहाँ रमाऔँला, कहाँ होऔँला ?
एकपटक आफूलाई बिर्सी देश पो सोच्ने हो कि !

३.
दिनलाई भन्दा घोररातिलाई विश्वास गरेपछि
फूललाई भन्दा सिस्नोपातीलाई विश्वास गरेपछि
धोका नभए के हुन्छ त ? भन ए सन्तति महोदय,
विश्वासीलाई भन्दा घातीलाई विश्वास गरेपछि ।

०००
भक्तपुर