नेपाली हास्यव्यङ्ग्य अनलाइन पत्रिका

रामशरण न्यौपाने :

मातृका प्रिय रमासरि हुन्छिन्
प्रेमपुष्प दिलमा अति उन्छिन्
सौख्य पुत्र तनयाकन बुन्छिन्
स्वर्गका शिखरमा पद छुन्छिन्॥१

जो गृहस्थ रथको भइ चक्का
टार्न काम जहिले खुब अक्का
बन्दछिन् कुशल कर्मठ पक्का
लेश छैन मनमा छल छक्का॥२

हुन् मुमा अवनिकै जुन तारा
बग्छ अमृत जहाँ रस धारा
लोकमा जति मिल्यो सुसहारा
तिर्नुपर्छ दुधको खुद भारा॥३

ईश्वरी सकल हुन् हितकारी
कालिका भगवती सुकुमारी
कर्ममा सबल हुन् सब नारी
पाल्न पोस्न परिवार तयारी॥४

पुज्दछन् दिनदिनै जब नारी
स्वर्ग बन्छ घर शोभित भारी
मातृका प्रकट हुन् हितकारी
बन्न नित्य म सकूँ न पुजारी॥५
‍
०००
भक्तपुर